Rurageretse hagati ya Bad Bunny urimo kwishyuza Mr Eazi Miliyoni 666 Frw

Mar 31st, 2026 05:35 AMBy undefined undefined

Urubanza ruregwamo umuhanga mu gutunganya indirimbo Dera, emPawa ya Mr Eazi rwabaye ku wa 9 Werurwe 2026 ariko hari impande zititabiriye bitewe n'uko no ku wa 06 Werurwe 2026 habuze ababurana mu cyumba cy'iburana barimo Dera wakoze indirimbo ya Joe Boy bivugwa ko bashishuye iya Bad Bunny.

Ikipe y’abanyamategeko ishinzwe kureberera inyungu z’umuhanzi bad Bunny bifatiye ku gakanu Umuhanzi ubifatanya n’ishoramari Mr Eazy nyiri emPawa arasabwa kwishyura $456,312 (666,332,792 Frw).

Ni ubujura bivugwa ko bwakozwe n’umuhanga mu gutunganya indirimbo, Dera wo muri Nigeria. Ikirego cyamaze kugera mu rukiko’Federal Court’ kikaba gishingiye ku bujura ‘Copyright infringement’ bw’igihangano bwakozwe mu 2023 ariko impande zombi ntabwo zigeze zishaka kubikemura mu bworoherane. Ubusanzwe itegeko riteganya ko uwakoresheje igice cy’indirimbo, filime,inyandiko’Text’ y’umuhanzi atabiherewe uburenganzira ashobora kwishyura $150,000 by’ihazabu ariko bitewe n’uburyo byakozwemo iyo hazabu ishobora kwiyongera.

Ubwo bujura bushingiye ku ndirimbo yitwa’Enséñame a Bailar’,ya Bad Bunny yashyize hanze mu 2022. Umuhanga mu gutunganya indirimbo, Dera yafashe bimwe mu bice byayo abikoresha mu ndirimbo ya Joe Boy yitwa’Empty My Pocket”.

Ikirego cyatanzwe muri Gicurasi 2025, icyo gihe abanyamategeko ba Dera bikuye mu rubanza. Urubanza rurimo Lakizo Entertainment yacuruje iriya ndirimbo. Kuva hatangira izo rwaserera Lakizo Entertainment yahise ikura ku mbuga zose zicuruza imiziki iriya ndirimbo.

Inkuru Bijyanye

Izindi

Filime “Umuganda” na “Beyond the Genocide” zikomeje kugeza inkuru z’u Rwanda ku Isi muri Festival zikomeye

Filime mbarankuru “Umuganda” ya Zion Sulaiman Mukasa Matovu ikomeje gutera intambwe ku ruhando mpuzamahanga, nyuma yo gutoranywa mu iserukiramuco Filmambiente International Film Festival 2026 rizabera muri Brazil,, ibintu bibaye ku nshuro ya mbere kuri cinema yo mu Rwanda, ndetse ikaba imaze no kubona igihembo mu marushanwa yo muri Leta Zunze Ubumwe za Amerika.

Reba inkuru

Filime ya Clapton Kibonge yerekanywe mu Bufaransa

Clapton Kibonge umaze iminsi i Paris mu Bufaransa, aho yagiye yitabiriye iserukiramuco rya filime ryitwa ‘Off Courts Festival’, yatumiwemo ku bufatanye na Mashariki Academy, yahakoreye filime yise ‘Identity’, yanerekanwe muri iri serukiramuco.

Reba inkuru

Yugi Umukaraza washinjwe ibiyobyabwenge no gusambanya ku gahato Shaddyboo yarekuwe

Yugi Umukaraza wari umaze igihe afunzwe nyuma yo gushinjwa icyaha cyo gusambanya ku gahato Shaddyboo cyabuze ibimenyetso byatuma akomeza kugikurikiranwaho n’icyo gukoresha ibiyobyabwenge yarekuwe nyuma yo kumvikana n’Ubushinjacyaha akabwizeza kwisubiraho.

Reba inkuru

Abanyarwanda bafite ibitekerezo by’imishinga bagiye kubona urubuga “PitchStudio” rwo kubishyira mu bikorwa

Abanyarwanda bafite ibitekerezo by’imishinga ariko bakabura igishoro cyangwa amahirwe yo kubishyira mu bikorwa bagiye kubona urubuga rushya rushobora kubafasha kubyaza umusaruro ibyo bitekerezo, binyuze muri gahunda nshya y’umushinga wiswe ‘Pitch Studio’, wo gufasha ba rwiyemezamirimo bafite imishinga ikiri mu bitekerezo ndetse n’iyatangiye ariko ifite ikibazo cy’ubushobozi bwo kwagura ibikorwa.

Reba inkuru