SIBO Logo
SIBO Logo
Contact Us

Perezida Kagame yakiriye intumwa ya Loni mu Karere k’ibiyaga bigari

Apr 7th, 2025 10:08 AMBy Vainqueur Mahoro
Share
Perezida Kagame yakiriye intumwa ya Loni mu Karere k’ibiyaga bigari

Perezida wa Repubulika y’u Rwanda Paul Kagame yakiriye Intumwa yihariye ya Loni mu Karere k’ibiyaga bigari, Huang Xia, bagirana ibiganiro byibanze ku mutekano wo mu Karere no gushyigikira inzira ziri kwifashishwa n’Akarere mu gukemura ikibazo cy’umutekano muke.

 

Nkuko ibiro by’Umukuru w’Igihugu (Village Urugwiro), byabitangaje abo bayobozi bombi baganiriye kuri uyu wa 6 Mata 2025.

 

Bagiranye ibiganiro bishingiye ku gushyigikira gahunda y’ibiganiro bikomeje mu gushakira igisubizo ibibazo byo mu Karere hashingiwe ku mpamvu muzi, mu gushaka kugera ku mahoro arambye.

 

Ikibazo cy’intambara ihanganishije M23 n’Ingabo za Leta ya RDC (FARDC) gikomeje gufata indi ntera haba mu bihugu byo mu biyaga bigari n’ahandi.

 

Kugeza ubu uyu mutwe wigaruriye Umujyi wa Goma na Bukavu.

 

Mu gushaka umuti ku mutekano muke mu Burasirazuba bwa RDC, Abakuru b’ibihugu bya EAC na SADC bafashe umwanzuro wo guhuriza hamwe ibiganiro bya Luanda na Nairobi, ubwo bahuriraga mu nama idasanzwe yabereye i Dar es Salaam muri Tanzania tariki ya 8 Gashyantare, bikitwa “Luanda-Nairobi”.

 

Loni yakunze kugaragaza ko ishyigikiye gahunda y’ibiganiro bigamije mu gushakira igisubizo ibibazo byo mu Karere.

 

Abahagarariye ubutegetsi bwa Repubulika Iharanira Demokarasi ya Congo n’abo mu ihuriro AFC/M23 rigizwe n’umutwe wa politiki n’igisirikare, bashobora gutangira ibiganiro by’amahoro tariki ya 9 Mata 2025.

 

Umunyamuryango wa AFC/M23 yatangaje ko mu gihe ibi biganiro bizaba byatangiye, ihuriro ryabo rizageza ku bahagarariye Leta ya RDC ibyifuzo byaryo.

 

Abahagarariye AFC/M23 barimo umuyobozi wungirije wayo, Bertrand Bisimwa, na Colonel Nzenze Imani John ushinzwe ubutasi n’ibikorwa bya gisirikare, baherutse kujya muri Qatar.

 

Icyo gihe, Leta ya Qatar yaganirije abahagarariye AFC/M23, bayisobanurira impamvu yatumye bafata intwaro n’icyo bifuza kuri Leta ya RDC.

 

Intumwa z’u Rwanda n’iza RDC na zo zahuriye muri Qatar, ziganira ku makimbirane ari hagati y’impande zombi kuva mu 2022, ashingiye ahanini ku rugamba rwa AFC/M23.

PKK.webp
Perezida Paul Kagame yakiriye Intumwa yihariye y’Umunyamabanga Mukuru wa Loni mu Karere k’ibiyaga bigari, Huang Xia n'abamuherekeje
Pk.webp
Inkuru Bijyanye
Izindi
Urubyiruko rw’u Rwanda ku Isonga mu Kwibuka Jenoside yakorewe Abatutsi mu 1994
Urubyiruko rw’u Rwanda ku Isonga mu Kwibuka Jenoside yakorewe Abatutsi mu 1994

Mu gihe u Rwanda rwibuka ku nshuro ya 31 Jenoside yakorewe Abatutsi mu 1994, urubyiruko rw’u Rwanda rukomeje kugaragaza uruhare rukomeye mu bikorwa byo kwibuka, kwigira ku mateka y’igihugu no gutanga icyizere cy’ejo hazaza.

Reba inkuru
Urubyiruko rwa FPR muri AUCA rwasuye urwibutso rwa Jenoside rwa Kigali
Urubyiruko rwa FPR muri AUCA rwasuye urwibutso rwa Jenoside rwa Kigali

Urubyiruko rubarizwa mu muryango wa FPR INKOTANYI muri Kaminuza ya Adventist University of Central Africa (AUCA) rwasuye u Rwibutso rwa Jenoside rwa Kigali, mu rwego rwo guha icyubahiro abazize Jenoside yakorewe Abatutsi mu 1994 no gukomeza kwigira ku mateka y’igihugu.

Reba inkuru
“Nta muntu uzasuzugura Perezida wacu duhari”- Minisitiri Dr. Utumatwishima
“Nta muntu uzasuzugura Perezida wacu duhari”- Minisitiri Dr. Utumatwishima

Minisitiri w’Urubyiruko n’Iterambere ry’Ubuhanzi, Dr. Utumatwishima Jean Nepo Abdallah, yagaragaje ko nta muntu ukwiriye gusuzugura Perezida Paul Kagame n’Inkotanyi muri rusange kandi urubyiruko ruhari.

Reba inkuru
Umugaba Mukuru w’Ingabo za Ethiopia ari mu Rwanda mu ruzinduko rw’iminsi 4
Umugaba Mukuru w’Ingabo za Ethiopia ari mu Rwanda mu ruzinduko rw’iminsi 4

Umugaba Mukuru w’Ingabo za Ethiopia Field Marshal Birhanu Jula, ari mu ruzinduko rw’iminsi ine mu Rwanda , yatangiye ku Cyumweru tariki ya 13 rukazageza ku ya 16 Mata 2025.

Reba inkuru